عضو شوید
عضویت سریع
آمار مطالب
آمار بازدید
چیرناواور اسمون از بخت مو تک نیکنه
هرسال کشت وکال مو قد نیکشه لک نیکنه
هر جاکه پام ایخوم بنم هی پارتی و پیلم کمه
از ای درنگ ت نی چقه درخواس بچ بیلم کمه
کرف اما ایخوم بگم ما بین و توفیر ایکنی
بی شوم وخاو عاجز کی اخرش سیر ایکنی
زور ایزنم تا یام نهنگ وا گیر ودندون پاو پنگ
اوسو تون بالا سری بق ایکنی خایه ی وچنگ
ایرو یه بر خین ایخورن غر دور نوزین ایخورن
اونو زرنگن هر دو بال از خیگ وحورجین ایخورن
په زندیی وا قسمت درد وخشی چی گرگر ومیش
من دور اقه ی مینا سه رنگ زور ایزنن سی هرد ریش
زور ایزنن سی هردو ری از دول ومردم ایخورن
بعضی وشیطون هم ردن از سیو وگندم ایخورن
په کی د روزش ایرسه بهری م دیگت غر بدی
اومه م جیقم زندیی کی ایخوی ومرغت فر بدی
کی تحلی ودرموندیی نزدیک اخون ایرسه
خشکن ولات دردلم کی اور بارون ایرسه
نیگم شکایت یو فقط من شولم درد دل
قل قل ودیندای زندیی وا قللم درد دل